कीर्तिपुर दर्पण साप्ताहिक

गठबन्धनको पक्षमा बहुमत
काठमाडौं १० मा लोकतान्त्रिकका राजन केसीको जीत

newly elected PM Rajan KC

कीर्तिपुर । सम्पन्न प्रतिनिधिसभाको निर्वाचनको परिणाममा देशैभरी बामगठबन्धनको पक्षमा मत जारी भएपछि जीतको समाचार लगातारप्रकाशित भैरहँदा काठमाठौं क्षेत्र नं. १० लगायत १, ४ र ६ मा समेत काँग्रेस पार्टीले विजयी हासिल गरेका छन् । विगतदेखि बहुपरिचित निर्वाचन क्षेत्र नं. १० यसपालि पनि नेपाली काँग्रेसका राजन केसीले आफनो पक्षमा पार्न सफल भएका छन् । उनको विपक्षीमा बामगठबन्धनका हितमान शाक्यले केसीको भन्दा २२८३ मत कम पाएका थिए । 
चुनाव प्रचारको क्रममा बुद्धिजीवीहरुले विगतको चुनावको आधारमा अर्थात स्थानीय चुनावको आधारमा हिसाबमा बामपक्षको बढी मत प्राप्त हुने आँकलन गरेका थिए । तर नतिजा आँकलन भन्दा फरक आएपछि वामलगायत अन्य पक्षमा थप उत्सुकता जागेको बताइएको छ ।
राजनीतिमा लाग्ने होस या नलाग्ने सवै प्रकारका जनसमुदायमा नतिजाका कारण खुलदुली हुनु स्वाभाविक हो । यसैसन्दर्भमा कीर्तिपुर दर्पणले स्थानीय व्यक्तित्वहरुसँग उनीहरुको टिप्पणी लिने क्रममा आ–आफना तर्कहरु प्रस्तुत गरेको पाएको छ भने यहाँ निर्वाचनको अन्तिम मत परिणामबारे जनसमुदायद्वारा व्यक्त गरिएको समीक्षात्मक टिप्पणीलाई प्रस्तुत गरिएको छ ।

कीर्तिपुरका रामकृष्ण महर्जनका अनुसार बामहरु त्यसमा पनि माओबादीका नेताहरु प्रतिनिधि भएर गइसकेपछि पनि लोकल र  स्थानीयको आवश्यकताबारे 
जानकारी लिन सम्म चेस्टा नगरेका नेताहरू त्यतिबेला कार्यकर्ताहरुको मात्र भरनपोसनमा लागेको आरोप समेत सुन्ने गरेको, बिगतमा स्थानीय टोलकै संजय सिंहलाई चेतावनी मात्रै दिंदा हुनेमा हत्या गराउन समेत लगाएको, आदि इत्यादिका कारणले बामपंथीहरुको १० नं. मा हार भएको देखिन्छ । जित्नेले जितिसकेपछि  पछिल्लो पटक राजेन्द्र केसीले आफ्नो ठाउँ नबिर्सिकन विभिन्न क्षेत्रमा विकासको कार्यक्रम ल्याउन सफल भएकोले पनि जनताको मन र मतदान राजेन्द्र केसीतर्फ गएको देखिन्छ ।

यसैगरी मतपरिणामका बारेमा आफनो धारणा प्रस्तुत गर्दै चोभारका खेमनाथ सिटौलाले नेपाली काँग्रेसका राजन केसीको जीतमा गठबन्धनको नेतृत्ववर्गको कमजोरीको फाइदा उठाएको टिप्पणी छ भने दुवै पार्टीको साँगठनिक स्थिति यो बेला कमजोर भएकोले होकि भनी पनि उनले आँकलन गरे । उनले  गठबन्धनको समिश्रणलगायत दुवैले एक अर्कामा गर्नुपर्ने सूचना आदानप्रदानमा समेत केही कमिकमजोरी भएको औंंल्याए ।

अधिवक्ता सुजिन्द्र महर्जनका अनुसार मत परिणाम जे हुनुपर्ने हो त्यो नभएको जे नहुनुपर्ने हो त्यो भएको प्रतिकृया छ । उनले प्राविधिक रुपले कीर्तिपुर क्षेत्रमा बामगठबन्धनको पक्षमा केही त्रुटि भएको हुन सक्ने संकेत गरे । यसबाहेक उनले अन्य थुप्रै कारणले गर्दा पनि बाम पक्षमा मत कम आएको आशंका गरे । देशैभरी बामपक्षमा लहर आइरहेको सन्दर्भमा कीर्तिपुर १० नं. क्षेत्रमा कम लहर आएको टिप्पणी समेत उनले गरे ।
कतिपय नाम उल्लेख नगर्ने सर्तमा आफनो टिप्पणी गर्ने व्यक्तिले १० नं. क्षेत्रमा बाम पराजित हुनुको कारणमध्ये सूर्य चिन्ह नहुनु,  प्रचार समयमा नहुनु, बाह्य उम्मेदवार भनी प्रचार गर्नु, बढी विस्वास गर्नु, विपक्षीद्वारा आर्थिक चलखेल बढी गर्नु आदिलाई मानेका छन् ।
हुन त चुनाव अपेक्षित र अनुपेक्षित हुने बेलामा तर्क र वितर्कहरु धेरै हुन सक्दछन् । तर स्थायी राजनीतिको लागि यस्ता वहस दुवै पार्टीका लागि हितकर अवश्य हुनेछन् । अबका दिनमा पनि सोझो राजनीतिबाट माथि उठेर पेशागत राजनीति गरेनौ भने राजनीतिबाट वितृष्णा नहोला भन्न सकिन्न । त्यसैले पार्टीको आधारशिला प्रक्रिया बनाएर मजबुत गर्ने र स्थायी राजनीति गर्ने व्यक्तिको चयन र छनौट गर्दै अगाडि बढेमा मात्र देशको विकास हुने संभावना छ । अन्यथा आंशिक राजनीतिको केही भर नहुने हुन सक्दछ र स्थायी राजनीति गर्नेलाई पनि हतोत्साही हुने संभावना रहन्छ ।

बामगठबन्धनको गलत भूमिकाका कारण नै क्षेत्र १० मा पराजित भएको हो । डा. चन्द्रमान बज्राचार्य 
क्षेत्र नं १० मा पहिलो पटक नेपालभाषामा पी.एच.डी. उपाधि प्राप्त गर्ने, नेपालभाषा साहित्य, संस्कृति, धर्म, राजनीति आदि क्षेत्रमा आलोचनात्मक दृष्टि राख्ने, किन पिरोल्छ भारत नेपाललाई?, आफन्तीका कथा, भिजिट कीर्तिपुर आदि पुस्तक लगायत दर्जनौं पुस्तकका लेखक एवं क्षेत्र नं. १० मै परिचित व्यक्तित्व प्रा.डा.चन्द्रमान वज्राचार्यसित भर्खर सम्पन्न प्रतिनिधि र प्रदेशसभाको चुनावलगायत समसामयिक विषयबारे उनको धारणा प्रस्तुत गरिएको छ । – सं.)

१. काठमाडौं क्षेत्र नं १० मा लोकतान्त्रिक पार्टीको विजय र वामपन्थी गठबन्धनको हार भयो, यसमा यहाँको दृष्टिकोण के हो ?
– नेपालमा सैद्धान्तिक मूल्य–मान्यताको आधारमा राजनीतिक अभ्यास गर्ने राजनैतिक पार्टी नै छैन । तसर्थ सैद्धान्तिक रुपमा कसको विजय र कसको पराजय भन्ने प्रश्न उचित देखिंदैन । कसैले लोकतन्त्रको मुकुण्डो लगाएका छन् भने कसैले कम्युनिष्टको मुकुण्डो लगाएका छन् । 
राजनैतिक शक्ति प्राप्तिका होडबाजीको क्रममा हितमान शाक्यको पराजय र राजन के.सी.को विजय भएको अर्थात् राजनैतिक पार्टीको हिसाबमा माओवादी केन्द्रको हार र नेपाली कांग्रेसको जित भएको मात्र हो ।
२. राजन केसीको विजयी हुनुका कारण के जस्तो लाग्छ ?
– हितमान शाक्यको पराजय नै केसीको विजय हो ।
३. हितमान शाक्यको पराजयको कारण नि ?
– धेरै छन् । १. हितमान शाक्य यो क्षेत्रका जनतासित पूर्णत अपरिचित व्यक्तित्व हो । 
परिचित गराउने कुनै कार्यक्रम नै ल्याइएन । २. वाम–गठबन्धन हो । यो वाम–गठबन्धनले कतै सकारात्मक भूमिका खेलेको देखिन्छ भने कीर्तिपुरमा यसको असर नकारात्मक देखियो । यो भनेको कीर्तिपुरमा एमाले शक्तिले बाहिर र भित्र गरी द्वैध चरित्र देखाएको भन्ने आम जन समुदायको आरोप लागेको छ यतिखेर । तसर्थ अन्यत्र वाम–गठबन्धनबाट उम्मेदवार विजयी हुने अवसर जुटेको देखिन्छ भने कीर्तिपुर क्षेत्रमा उल्टो वाम उम्मेदवार हारेको दृष्टान्त मिल्दछ । वाम गठबन्धन नभएको भए एमाले कार्यकर्ता उम्मेदवार बनिन्थ्यो होला, जितिन्थ्यो होला । तर वाम गठबन्धनले एमाले उम्मेदवार हुन बञ्चित गरायो र यस्तो दुर्घटना भयो ।
४. यस्तो दुर्घटना हुनुको कारण के हो त ?
– यसको कारक–तत्वमा वाम–गठबन्धन पार्टीका प्रमुख नेताहरू नै जिम्मेवार छन् । प्रतिनिधि सभा तर्पmका उम्मेदवार हितमान शाक्य र प्रदेश सभा तर्पmका उम्मेदवार दिलीप महर्जन दुवै माओवादी केन्द्र तर्पmका भए, तर एमाले तर्पmबाट विशेष गरी कीर्तिपुर (डाँडो)का नेताहरूको कुनै स्थान भएन । दुवै सभामा माओवादी केन्द्रका हुनु तर एमालेको तर्पmबाट कीर्तिपुर क्षेत्रकै उम्मेदवारको चयन नगर्नु प्रमुख नेताहरूको कमजोरी र कीर्तिपुरकै स्थानीय नेताहरूको विरोधको चर्को स्वर नहुनु, प्रमुख नेताहरूकै ईशारामा असन्तुष्टिलाई मनभित्र पालेर अन्ततः गठबन्धनको सिद्धान्तलाई अँध्यारोमा लात हान्नु नै हितमान शाक्य र दिलिप महर्जनको दुर्घटना हुनुका प्रमुख कारणहरू हुन् । हितमान शाक्यसित यस क्षेत्रका जनताको परिचित नै नहुनु र परिचित 
गराउनु पर्ने शक्तिभित्रबाट नै अन्तर्घात भएपछि त दुर्घटना त हुने नै भयो ।
अर्को कुरा, तुलनात्मक रुपमा राजन केसीको स्थानीय जनताका राम्रो प्रभाव पनि परेको छ । 
राजन केसीलाई टुरिष्ट उम्मेदवारको रुपमा हेरिएन बरु सहयोगीको रुपमा हेरे यहाँका जनताले । टुरिष्ट उम्मेदवारकै कारण र केही सहयोगी भूमिका नखेलेकै कारण प्रचण्ड जस्तो राष्ट्रिय राजनैतिक खेलाडी नै हारेको इतिहास साक्षी छँदाछँदै पुनः हितमान शाक्यलाई यो क्षेत्रमा उम्मेदवार बनाउनु भनेको वाम–गठबन्धनका प्रमुख नेताहरूको अपरिपक्व विचार, गैर–जिम्मेवारी, लापरवाही, जनविरोधी चरित्र बाहेक अरु केही होइन । आखिर हितमान शाक्य यिनै प्रमुख नेताहरूबाट बलिको बोको भए । 
५. यो चुनावबाट उपलब्धि हुने के हुने भयो त अब ?
– बीसौं अर्ब खर्चेर गरेको यो चुनावबाट हुने उपलब्धि भनेको देश अब संघीय गणतान्त्रिक मुलुक हुने भयो, बामपन्थी– गठबन्धनबाट बहुमतीय सरकार हुने भयो, सात प्रदेशमा सात मुख्य मन्त्रीहरू एक प्रधानमन्त्री रहने भयो ।
६. बहुमतीय स्थायी सरकार पनि त हुने भयो नि ?
– बहुमतीय सरकार हँुदैमा स्थायी सरकार हुन्छ भन्ने कुनै ग्यारेन्टी हुँदैन । सर्वप्रथमतः 
सरकारको चरित्रमा यो कुराको निर्भर रहन्छ । साँच्चै नै अब बनिने बहुमतीय सरकार जनताकै जन–सरकार बन्यो भने यसले स्थायीत्व पाउन सक्ला, अन्यथा बहुमतीय सरकारको नाममा जनतामारा सरकारको चरित्र देखाएमा दुई दिन टिक्न पनि मुश्किल पर्छ ।
७. स्थायी सरकार बन्ला जस्तो लाग्छ र ?
–‘जुन जोगी आए पनि कानै चिरेको’ भन्ने हाम्रो लोकोक्ति छ । नेताहरूलाई ठगहरूको रुपमा तमाम जनताले चिनिसकेका छन् । यिनै नेताहरूलाई मतदान गर्नुपर्ने बाध्यात्मक परिस्थितिकै 
कारणले मात्र मतदान गरेका छन् । धेरै नै ठग नेताहरूलाई यसपाली जनताले राष्ट्रिय राजनीतिबाट पाखा लगाइदिएका छन् । जसको चरित्र नै भ्रष्ट छ, उसबाट आशा गर्ने के ? चुनावका कयौं करोड खर्च गरेर विजय हासिल गरेकाहरु स्वच्छ छविको हुनै सक्दैन । पद, पैसा र प्रतिष्ठाका लागि जेपनि गर्न तयार यिनीहरूबाट बन्ने सरकार स्वच्छ छविको हुने कुरामा आशा गर्न सकिन्न । भ्रष्टहरूको सरकार स्थायी सरकार बन्न सत्तैmन ।
८. यहाँको रिटार्यड जीवनमा यहाँको पनि त उम्मेदवारी हुनुपर्दथ्यो, जसको छुट्टै 
राजनैतिक दृष्टिकोण मात्र होइन, राजनैतिक अनुभव पनि छ, जन–समुदायसित दुःख–सुखको गहिरो सम्बन्ध छ, होइन र ?
– उम्मेदवार हुने इच्छा मात्र भएर भएन, राजनैतिक पार्टीको टिकट चाहियो, राजनैतिक पार्टी भएर मात्र पुगेन ठूलै पार्टी चाहियो, स्वतन्त्र उम्मेदवारी भएर चुनावमा जितिंदैन, आम–जनसमुदायबाट नै आवश्यकताको आह्वान भएको अवस्थामा उम्मेदवार हुने अर्कै कुरो हो । हेरौं पछिका दिनहरूमा कस्तो परिस्थिति आउँछ । देश र जनताको लागि समर्पित भएरै आएको छु, यसरी नै जीवन बिताउने अठोट छ ।
९. अन्तमा केही कुराहरू बाँकी छ कि ?

– राजन के.सी.को विजय यात्रा हेर्दा उनी आप्mनै बल–बुद्धिको कारणले विजय भएको भन्नु भन्दा पनि प्रतिद्वन्द्वीहरूको गलत भूमिकाको कारण भएको र कठिनतम परिस्थितिसित जुध्न नपरेको स्थितिको बोध हुन्छ । वाम–गठबन्धनको यस्ता क्रिया–प्रतिक्रियाको कारण आउँदा दिनहरूमा क्षेत्र नं १० मा राजन केसीका लागि परिस्थिति झनै सरल र सहज हुने निश्चित देखिन्छ ।

कीर्तिपुर दर्पण अब १५ वर्षमा प्रवेश

कीर्तिपुर दर्पण साप्ताहिक अब १४ वर्षमा प्रवेश गरेको छ । यस अवसरमा हामी सम्पूर्ण लेखकवर्ग, विज्ञापनदाता, ग्राहक वर्ग र शुभचिन्तक महानुभावहरुलाई हार्दिक धन्यवाद व्यक्त गर्न चाहन्छांैं । यहा“हरुको अपार माया र सहयोगी भावनाले जुन खालको सफलता कीर्तिपुर दर्पण साप्ताहिकले पाइरहेको छ र भविष्यमा पनि पाइरहने छ भन्ने अभिलाषाका साथ सवैप्रति आभार समेत व्यक्त गर्दछौं । 

विचार पृष्ठमा विचार लेख्नु हुने विद्वतवर्गहरुलाई धन्यवादका साथै स्तम्भकारहरुप्रति पनि कृतज्ञता व्यक्त गर्दछौंै । विक्री वितरण प्रणालीलाई अझ व्यवस्थित गर्दै वितरकहरु थप्ने कार्यमा जोड दिंदै आएका छौं । पत्रिकाको नियमिततालाई कायमै राखी दशैं र तिहारमा समेत प्रकाशनलाई निरन्तरता दिई आएका छौं । पाठकहरुको सल्लाह सुझाव बमोजिम् पाठकमुखी, विज्ञापनमुखी, रचनामुखी विगतमा झै बनाइरहने प्रतिबद्धता व्यक्त गर्दछौं । मूलरुपमा हामी राष्ट्रिय स्तरका दैनिक तथा साप्ताहिक पत्रिकाहरुले कीर्तिपुरको स्थानीय खबरलाई उठाउन नसकिरहेको अवस्थामा आफनो स्थानीय समाचारलाई नै बढावा दिंदै ठाउ“ दिइरहेका छौं । त्यस्तै स्थानीय लेखकहरुलाई पनि बढावा दिंदै प्रोत्साहन गर्ने कार्यमा अघि बढिरहेका छौं । 

सवैतिरको सहयोग र सरसल्लाहले कीर्ति मिडिया अन्तर्गतको कीर्तिपुर दर्पणलाई निरन्तरता दिने कार्यमा प्रयासरत छ । आगामी दिनहरुमा स्थानीय मुद्दालाई अझ विशेष चासोका साथ उत्थान गर्ने जमर्काे गर्नेछौं । अहिले संघीय संरचना र प्रदेशसभाको चुनावको परिणाम आइरहेको सन्दर्भमा पछिल्ला दिनहरुमा हुने सूचना संप्रेष्णको भूमिकालाई समय सान्दर्भिक बनाइनुपर्ने अवस्थाप्रति पनि हामी सजग र सतर्क छौं । आफनो कर्तव्यलाई शिरोपर गर्दै अहोरात्र लाग्ने प्रतिबद्धताका साथ निरन्तरता दिइरहेको यस कीद पत्रिकाको आयश्रोत भनेको विज्ञापन नै हो ।  यसको लागि विशेष भूमिका खेल्नु हुने कर्मचारी साथीहरु र विज्ञापन उपलब्ध गराउन महत्वपूर्ण सहयोग गर्नु हुने विज्ञापनदाताहरु, एजेन्सीहरु, सवैलाई कीर्तिपुर दर्पणको तर्फबाट धेरै धेरै धन्यवाद व्यक्त गरिरहने छ । आगामी दिनहरुमा पत्रिकालाई अझ परिस्कृत गर्दै पाठकको मन जित्न सदैव तयार रहने बचनबद्धता व्यक्त गर्न चाहन्छौं ।

Read the full issue at:

https://drive.google.com/open?id=15aDmwSjvDPKjmqVd7Yd83uS450PRQD_R